டெல்லி அணியில் நைலுக்கு பதிலாக தாகிரைச் சேர்க்க வாய்ப்பு

ஏழாவது ஐபிஎல் தொடரின் முதற்கட்ட ஆட்டங்கள் ஐக்கிய அரபு எமிரேட்சில் நடைபெற்று வருகின்றன. சென்னை , மும்பை உள்ளிட்ட 8 அணிகள் இந்த தொடரில் பங்கேற்றுள்ளன. இந்த நிலையில் டெல்லி டெர்டெவில்ஸ் அணியின் வேகப்பந்து வீரர் நாதன் கோல்ட்டர் நைல் (ஆஸ்திரேலியா) காயம் அடைந்துள்ளார். இதனால் அவர் ஐ.பி.எல். போட்டியில் இருந்து விலகியுள்ளர்.

அவருக்கு பதிலாக தென்ஆப்பிரிக்கா அணியின் சுழற்பந்து வீரர் இம்ரான் தாகீர் இடம் பெறலாம் என்று தெரிகிறது. இம்ரான் தாகீரை எந்த அணியும் ஏலத்தில் எடுக்கவில்லை என்பது குறிப்பிடத்தக்கது.